ПРОГНОЗА НА ШОЈБЛЕ: Еврото сепак ќе преживее
Објавено во: Економија 21 Април, 2017
Германскиот министер за финансии, Волфганг Шојбле смета дека нема да има големи последици од претстојните француски избори врз еврото.
Шојбле верува дека сепак еврото ќе преживее.
„Јас сум прилично оптимист и мислам дека францускиот народ ќе донесе разумно решение. Тоа значи решение кое овозможува еврото да преживее“- изјави Шојбле.
Двајца од главните претседателски кандидати во Франција се изјаснуваат против единствената валута и ветуваат повеќе државни трошоци, инвеститорите стравуваат за иднината на француската економија, но најмногу за стабилноста на еврозоната и Европската унија.
Шојбле ја повика Европската централна банка (ЕЦБ) да почне постепено да се откажува од премногу стимулирачката монетарна политика.