Производите на Витаминка во центарот на вниманието на саемот СИАЛ во Париз
Објавено во: Мои пари 21 Октомври, 2016
Производите на Витаминка се најдоа во центарот на вниманието на најголемиот светски саем за храна СИАЛ Париз 2016. Компанијата се претстави со голем број од своите производни програми, а преку непосредни контакти и дополнителни активности побуди интерес и кај посетителите и кај самите изложувачи.Тимот на Витаминка, присутен на саемот е задоволен од претставувањето и реакциите на посетителите.
„СИАЛ Париз е веројатно најголемиот и најпосетуван саем за храна и место за отворање на многу потенцијални пазари. Со 7000 изложувачи од 104 земји и уште илјадници посетители, бенефитите од тукашното присуство се бројни. Создавате визуелен идентитет на своите производи, го претставувате самиот производ и квалитетот и преку дополнителните активности, што овие манифестации ги нудат, ја пренесувате и сопствената приказна. Искуството е навистина корисно, воспоставивме иницијални контакти, го проценивме и измеривме приемот од потрошувачите и добивме информации што многу ќе ни користат во понатамошната стратегија“, изјави Љупчо Велески, директор на сектор Извоз во Витаминка.
Присуството на саеми е клучниот чекор во развојната стратегија на Витаминка, која што е редовно застапена на саемските манифестации низ целиот свет. Токму ваквиот пристап, воспоставувајќи директен контакт со дистрибутери, ланци на маркети но исто така и со самите потрошувачи, придонесе производите и брендовите на Витаминка да бидат присутни во над 30 земји во светот.
Можеби ќе ве интересира
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
Напред во дигиталната иднина со Македонски Телеком
WTCA заговара „мир по пат на трговија“ на Балканот и во светот на IX Delfi економски форум
Караванот на Државна изборна комисија во посета и на руралните средини и маргинализираните групи
Во понеделник ќе се одржи второто издание на “Freelance Conference”
