ПРОМЕНЛИВО ВРЕМЕ, ВЕТЕР, НОВИ ВРНЕЖИ ОД ДОЖД И СНЕГ, еве ги деталите за следниве денови

Добивај вести на Viber

Продолжува променливото и постудено време во Македонија, како што доликува за овој период од годината. Денес и утре сеуште ќе има повремени локални врнежи од дожд, а на планините над 1500 м.н.в и тоа особено во западните предели ќе има повремени врнежи од снег, објави метеорологот Славчо Поповски.

Тој посочува дека на крајот на неделава, поточно во петок ќе има краткотрајно стабилизирање на времето, додека за време на викендот ќе има нови врнежи од дожд, а на планините над 1200 м.н.в ќе има врнежи од снег. Снежната граница и тоа особено во северните претели можно е да се спушти дури до околу па и под 1000 м.н.в.

Поповски предупредува дека се очекува во четврток да дува дува умерен, а Долж Повардарието повремено засилен ветер од северен и од северозападен правец. 

- Наутро температурите понатаму на повеќе места ќе се спуштаат под нулата, односно истите ќе се спуштаат во интервалот од -6 до 5 степени, додека максималните дневни ќе се искачуваат во интервалот од 7 до 16 степени, а за време на викендот максималните температури ќе бидат уште пониски и ќе се искачуваат во интервалот од 6 до 12 степени.