Добивај вести на Viber
Во Битола на сцената на Центарот за култура деновиве заврши снимањето на првата македонско-турска телевизиска копродукција на новогодишна музичка програма. Овој телевизиски проект го реализираат Тера Телевизија од Битола и Тек Румели ТВ од Истанбул, Турција, телевизија која со својата програма го покрива речиси целиот Балкан.
Новогодишната музичка програма на гледачите на Тера Телевизија и на турската телевизија Тек Румели ќе им понуди скоро двоиполчасовна музичка разгледница од македонската и турската музичка сцена со популарните Љубојна и Фонтана и пејачите Гамзе Матраџи и Меџит Шенол кое се популарни на турската музичка сцена, но и пошироко во регионот.