Америка официјално суспендираше се, војната продолжува
Пукна договорот меѓу САД и Русија за мир во Сирија
Објавено во: Свет 04 Октомври, 2016
САД ги прекина разговорите со Москва за постигнување на примирје во Сирија, поради тековните воени напади врз цивилни цели во земјата. Руски авиони ја бомбардираа најголемата болница во источниот дел на Алепо.
„Тоа не беше одлука донесена лесно“, изјави портпаролот на Стејт департментот Џон Кирби .. Иако Вашингтон „не штеди напори“ во обид да се примени запирање на непријателствата, Русија „не ги почитува своите обврски“, се вели во соопштението.
Се очекува разговорите меѓу двете страни да се сведат само до договор за избегнување на судири меѓу нивните воени сили. Од Белата куќа истакнаа дека трпението кон Русите им е при крај.
Русија „или не сака, или не гарантира дека сирискиот режим ќе се придржува кон договорот за примирје. Наместо тоа Русија и сирискиот режим избраа да продолжат со воениот курс на акција“, се вели во соопштението.
Од своја страна, портпаролот на руското Министерство за надворешни работи Марија Захарова изјавила дека нејзината влада жали за одлуката на американската страна. 4
Според неа континуираниот конфликт се должи токму на Американците, бидејќи тие се подготвени да склучат примирје дури и со терористички организации, „за да ја добијат посакуваната промена на власта во Сирија“.