РАБОТА ЗА СТУДЕНТИ: За 20 дена заработуваат за одмор на море
Објавено во: Економија 27 Мај, 2017
Српските медиуми пишуваат дека во Белград или Нови Сад, или било кој друг поголем град, студентите можат да работат како промотери за што ги плаќаат по 200 динари од час или ако прават анкети, ќе земаат по 250 динари по прашалник.
Агенциите за студенти преку лето нудат ангажман со кој можат да заработат од 25.000 до 30.000 динари месечно.
Ако работите само привремено, дневниците се движат од 1.600 до 2.600 динари зависно од тежината на работата.
„Нашата база има околу 5000 членови кои имаат до 30 години. Има млади до 26 години и дневно имаме по 50 огласи за работа. Ако се во прашање тешки физички работи, дневниците се и до 2.600 динари, и обично е тоа товарање или растоварање на роба“ - вели Никола Милиќ од задругата „Булевар“.
Со ваква работа студентите можат да заработат за одмор на море. Се нуди и работа за собарки, помошници продавачи и друго.