Ракометарките од „Вардар“ на едукативна работилница со доктори од „Аџибадем Систина“ за подигнување на свеста за женското здравје
Објавено во: Мои пари 08 Октомври, 2019
Месец октомври е месец за подигнување на свеста за ракот на дојка, а Клиничката болница „Аџибадем Систина” го одбележува со неколку работилници и едукативни средби за женското здравје во институции и домашни компании. Низ нив треба да се потенцира потребата од зголемување на свесноста кај младите и кај жените воопшто за превентивни и редовни гинеколошки прегледи и самопрегледи на дојка.
Првата интерактивна работилница беше одржана со ракометарките од РК „Вардар“. Во присуство на членови од стручниот штаб, Индира Кастратовиќ, тренерот на клубот Драгана Ристова, тимот специјалисти од Клиничката болница „Аџибадем Систина“ низ едукативни разговори ги информираше ракометарките за гинеколошкото здравје, деталите за самопрегледи на дојка и важноста на тој преглед, ризиците и можните заболувања на тироидната жлезда.
На средбата од Клиничката болница „Аџибадем Систина“ присуствуваа д-р Гордана Петровска специјалист по гинекологија и акушерство, д-р Маја Стојчевска-Чапова специјалист по радиодијагностика и Лилјана Муратовска, специјалист по нуклеарна медицина. Сите беа на располагање и одговараа на прашањата на ракометарките, на нивните дилеми.
На ваков начин Клиничката болница „Аџибадем Систина“ како општествено одговорна компанија го дава својот придонес за зголемување на грижата на жените за сопственото здравје во општетството. Болницата се надева дека акцијата ќе биде еден позитивен импулс во зголемување на свесноста за ризиците од малигните заболувања во време на раст на бројот на пациенти со ваква дијагноза.
„Сепак, не треба да се прави преглед само во октомври. Важно е редовно да се прават самопрегледи на дојката, а во нашата болница има најсовремена опрема за брза и прецизна дијагностика. Секако располагаме со врвна технологија, мултидисиплинарен пристап, врвен третман кај пациентите кај кои е детектиран канцер, прецизна и зрачна терапија, современа хемо и биолошка терапија“, вели д-р Чапова.
Интерактивните средби ќе продолжат во текот на месецот.
Можеби ќе ве интересира
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
Државната изборна комисија го заокружи едукативниот караван „ТИ СИ НА РЕД“ во битолскиот и тетовскиот регион
СУПЕР МИЛИОНЕР ЏЕКПОТ НА ВИДЕОЛОТАРИЈА КАСИНОС АВСТРИЈА Е ВО ЗОНА НА ПАЃАЊЕ
Посета во Бимилк: 200 деца од градинката „Пролет“ го научија патот на млекото
