Рама ги повика Албанците на мир и трпение во овие тешки услови
Објавено во: Македонија 30 Април, 2017
Албанскиот премиер, Еди Рама коментирајќи ги последните настани во Македонија изјави дека во борбата за власт, како алиби биле вклучени Албанците.
Рама ги повика Албанците на мир и трпение во овие тешки услови со цел да не се дозволи тие да бидат искористени како алиби за конфликт, објави телевизијата „Алсат-М“.
„Имаме право да ги потсетиме нашите соседи Македонци дека би сакале многу Албанците во Македонија кои не се малцинство, туку се државотворно население, да ги уживаат почитта, слободите и правата рамноправно со Македонците. Ние сакаме стабилна Македонија, демократски и економски развиена“ - вели Рама.
Тој рече дека сакаат Македонија да биде пример на хармонија меѓу соседите и да биде место каде ниеден Албанец не се чувствува како граѓанин од втор ред.