24 Јануари, 2018
0.4360
    ALK 7791.42    1.09%     FERS 56000    0%     GRNT 830    0%     KMB 3094.21    0.45%     MPOL 255    -9.65%     MPT 28001.2    -2.96%     MTUR 4282    2.98%     OKTA 3420    6.88%     PPIV 37500    0%     RMDEN16 94.5    0%     SBT 2100.85    1%     STIL 150    0.14%     TNB 13299.93    0.54%     TTK 998.57    2.55%     ZILU 212    6%     ZPKO 2706.43    0.24%

Расте цената на нафтата, ќе надмине ли дизелот евро по литар?

Објавено во: Економија 10 Јануари, 2018

Суровата нафта на најголемите светски берзи бележи раст на цената по барел, а во САД е регистрирана највисоката цена на нафтата од 2014 година наваму. Исто така раст на цените има и во Азија каде рафинериите се борат со високите цени на суровата нафта, а не е поштедена ниту Европа.

Овие движење може навистина да го вжештат пазарот сметаат економските аналитичари со оглед на намалената продукција на нафта од страна на земјите производители од ОПЕК кои сега бележат поголеми профити поради растот на цените што е спротивно на кризниот период кога нафтата на светските берзи тонеше со цената.

Ваквите ефекти доаѓаат во најлошо можно време за македонските граѓани кои покрај зголемувањето на цените на малопродажба на нафтени деривати кои се пазарно определени исто така се соочија и со повисока цена од 3,5 денари како резултат на зголемувањето на акцизата за дизел горивата.

Регулаторната комисија за енергетика кон крајот на годинава, како и вчера повторно ги одреди новите максимални цени на малопродажни цени на горивата следејќи ги движењата на светските берзи.

„Со оваа Одлука се врши зголемување на рафинериските и на малопродажните цени на нафтените деривати во просек за 1,66%, односно за 1,29% во однос на рафинериските и на малопродажните цени на нафтените деривати утврдени согласно Одлуката на Регулаторната комисија за енергетика на Република Македонија од 28.12.2017 година. Просечната цена на суровата нафта на светскиот пазар во изминатиот 14-то дневен период изнесуваше 66,542 $/барел и е за 3,81% повисока од просечната цена на суровата нафта (64,099 $/барел) по која беа формирани тековните цени на нафтените деривати. Курсот на денарот во однос на доларот во изминатиот 14-то дневен период изнесуваше 51,3632 ден/$ и е за 1,54% понизок од курсот на доларот (52,1652 ден/$) по кој беа формирани цените. Референтните цени на нафтените деривати на светскиот пазар во споредба со изминатиот четиринаесетдневен период бележат зголемување кај бензинот во просек за околу 3,5 % или за 20,9 $/тон, кај дизелот зголемување во просек за околу 4,53% или 24,95 $/тон и кај мазутот зголемување во просек за околу 5,71% или за околу 19,68 $/тон, поради што во структурата на цените на нафтените деривати е извршено соодветно прилагодување. Имајќи ги предвид влијанијата на овие елементи во формирањето на цените на нафтените деривати според Методологијата, рафинериските цени на нафтените деривати се зголемуваат во просек за 1,66%“ се вели во образложението на вчерашната одлука на РКЕ. 

Така дизелот за прв пат по подолго време ќе достигне цена од речиси едно евро за литар, а сега се продава за 59,9 денари што е за речиси 5 денари повеќе за помалку од еден месец. Тој ценовен скок се повеќе има опасност да доведе до инфлаторни последици и кревање на цените во транспортот и повеќе производи што ќе удри по џебот на македонските граѓани. 

Х.С.

Можеби ќе ве интересира

Со најавите за оданочување биткоинот во слободен пад

Со најавите за оданочување биткоинот во слободен пад

КАЗНА ПО СЕКОЈА ЦЕНА: Треба ли да се ревидира системот за инспекциски надзор?

КАЗНА ПО СЕКОЈА ЦЕНА: Треба ли да се ревидира системот за инспекциски надзор?

Кузмановска: Македонија доживува економски фијаско

Кузмановска: Македонија доживува економски фијаско

ДРЖАВАТА СЕ ЗАДОЛЖИ: За колкава сума се работи?

ДРЖАВАТА СЕ ЗАДОЛЖИ: За колкава сума се работи?

СТОКНАЛА ПРОСЕЧНАТА НЕТО ПЛАТА: Кожарските и текстилни работници остануваат на дното

СТОКНАЛА ПРОСЕЧНАТА НЕТО ПЛАТА: Кожарските и текстилни работници остануваат на дното

Филип Морис пред клучна одлука на САД - Дали IQOS се побезбедни од цигарите?

Филип Морис пред клучна одлука на САД - Дали IQOS се побезбедни од цигарите?

Џабе дипломи и вештини кога еден копирант зема двојно повеќе од просечен млад човек

Џабе дипломи и вештини кога еден копирант зема двојно повеќе од просечен млад човек

Со каква прогноза излезе ММФ за глобалниот економски раст?

Со каква прогноза излезе ММФ за глобалниот економски раст?

ПОЛНЕТЕ РЕЗЕРВОАРИТЕ: Нов скок на цената на нафтените деривати

ПОЛНЕТЕ РЕЗЕРВОАРИТЕ: Нов скок на цената на нафтените деривати