Реалноста на Брегзит веќе го притиска британскиот бизнис
Објавено во: Економија 06 Февруари, 2017
Британските претприемачи веќе ги доживуваат врз себе негативните последици од одлуката на Велика Британија да ја напушти Европската унија.
Според резултатите од анкетата на агенцијата Ipsos MORI над 100 топ менаџери од 500-те најголеми британски компании веќе го чуствуваат негативното влијание врз бизнисот на одлуката за излез од ЕУ.
Само 11% од учесниците во студијата сугерираат дека Брегзит ќе има позитивни последици, а 31% сметаат дека тоа нема да влијае на нивниот бизнис.
„Бизнисот во оваа земја веќе чувствува болка од економските турбуленции предизвикани од излегувањето од Унијата“, констатира шефот на социолошката агенција бен Пејџ. Според него ништо не покажува дека во текот на годината оваа ситуација може да се промени.Повеќето од анкетираните (84%) сметаат дека е од „витално значење“ за бизнисот британската влада да се справи добро со преговорите за условите на Брегзит . При тоа половина од испитаниците се сомневаат во способноста на властите во земјата да успеат да добијат од ЕУ „најдобри услови“ за британските компании.