Роботите ќе „украдат“ дваесет милиони работни места до 2030 година
Објавено во: Свет 28 Јуни, 2019
Околу 20 милиони работни места во производствениот
сектор можат да бидат изгубени поради роботизацијата до 2030 година, објави
Би-Би-Си, повикувајќи се на податоци од Oxford Economics.
Од компанијата велат дека луѓето кои еднаш го
загубиле своето работно место како последица на автоматизацијата, тешко ќе може
да најдат повторно вработување во истата
сфера, но ќе можат да работат во секторот на услугите.
Секој нов робот има 1.6 пати повеќе човечки перформанси за
производство.
Анализата покажува дека земјите со слаби економии
и висока невработеност ќе бидат повеќе погодени од роботизацијата. Истото
важи и за развиените земји, но во помал обем.
Автомобилската индустрија е најмногу погодена во
светот. Очекувано, ако некој ја загуби работата во оваа индустрија, тие ќе се
фокусираат на сектор како транспорт, одржување или изградба.
Истражувањето покажува дека барателите на работа
ќе се соочат со недостаток на слободни работни места токму поради новите
машини.
Извештајот на Oxford Economics всушност цели да го
оспори заговорот дека роботите ќе го
заземат човештвото, нагласувајќи дека автоматизацијата треба да го потпомага
економскиот раст.
Професиите каде што работата бара дневно
повторување на активностите е поверојатно да бидат избришани, според анализата.
Спротивно на тоа, сферите кои бараат сочувство, креативност или социјална
интелигенција би постоеле со децении што доаѓаат.