РОЧИШТЕ ЗА ЕКСТРАДИЦИЈА: Поранешните тајни агенти Грујевски и Бошковски денес на суд во Солун
Објавено во: Македонија 13 Декември, 2017
Екс тајните разузнавачи кои се наоѓаат во екстрадициски притвор во Солун Горан Грујевски и Никола Бошковски денеска ќе излезат пред солунските судии каде треба да почне рочиштето за екстрадицијата која Македонија ја побара од грчките служби.
Поранешните началници на УБК веќе два месеци се во притвор во Грција а досегашните рочишта беа одложувани.
Тие се гонат од СЈО за предметот „Тврдина- Таргет“ а во раце на грчката полиција паднаа на 18 октомври кога на аеродромот во Солун се обидоа да избегаат во Будимшешта.
Грција пак ги гони Грујевски и Бошковски за лажни патни исправи.
Судењето за лажни пасоши е одвоено од постапката за екстрадиција и досега беше двапати одложувано бидејќи Судот во Солун не можеше да обезбеди преведувач од македонски на грчки јазик и обратно.