РОКОТ ПРОБИЕН: Абер се нема за распишување на локалните избори

Добивај вести на Viber

Локалните избори заглавија во Собранието.

На 14 мај завршува мандатот на актуелните градоначалници а Собранието не може да избере претседател кој единствено според Уставот може да ги распише локалните избори. 

Во оваа состојба е нејасно дали пратениците би можеле да ги направат неопходните измени на членовите од законите кои се директно поврзани со локалните избори.

До Уставниот суд се поднесени две иницијативи, едната е поднесена од страна Министерството за локална самоуправа, а другата од првиот човек на Светскиот македонски конгрес Тодор Петров.

Во првата иницијатива од Министерството за локална самоуправа побараа да  се преиспита уставноста на спорните членови 35 и 49 од Законот за локална самоуправа кои се однесуваат на мандатите на градоначалниците и советите.

Она што е нејасно овде е што откако истече мандатот на градоначалниците и советите ако не се распишаат нови избори.

Додека во втортата иницијатива Петров бара поништување на членот 16 од Изборниот законик. Според тој член има термин на средината на мај за одржување на локалните избори.

Ситуацијата уште повеќе се усложнува бидејќи нема рок до кога Уставниот суд треба да одговори на овие иницијативи, што значи дека се би можело да излезе од контрола ако наскоро не се реши ова прашање.

Подетални објаснувања може да прочитате во неодамнешното интервју на Фактор со министерката за локална самоуправа д-р Ширет Елези која гледа неколку опции според расположливата законска регулатива, но неопходно е што побрзо да се реши политичката криза.