Добивај вести на Viber
Романски бизнисмени се интересираат за инвестирање во Кавадарци, соопшти денеска градоначалникот Александар Панов по посетата на кавадаречката делегација на Романија. По збратимувањето на Кавадарци со романскиот град Насауд, Панов очекува интензивирање на меѓусебната соработка во повеќе сфери.
Според него, романските бизнисмени имале желба да го шират бизнисот.
„Ние пак им укажавме на предностите од инвестирањето во Македонија и Кавадарци. Побаравме допирни точки помеѓу бизнис секторите од двете држави со цел економска соработка. Разговаравме и за соработка во областа на пбразованието, социјалната заштита. Досега со Насауд имаме реализирано два проекти финансирани од Европската унија. Во иднина планираме да аплицираме и со други проекти кои ќе бидат од областа на комуналната изградба, но и бизнис секторот“, информираше Панов.