РУСИЈА ГО ВОЗВРАЌА УДАРОТ: Путин нареди да се регистрираат медиумите-„странски агенти“
Објавено во: Свет 04 Декември, 2017
Рускиот претседател Владимир Путин му наредил на Министерството за правда да води регистар на медиумите - странски агенти.
Тоа значи дека министерството има право да одлучува кои странски медиуми ќе добијат статус на странски агент, како и да ги исклучи од тој список. Првите медиуми „странски агенти“ ќе бидат регистрирани веќа оваа недела, вели за РИА Новости, извор од Советот на фереацијата, горниот дом на рускиот парламент.
Тоа се девет американски медиуми, кои веќе добивале предупредувања од Министерството за правда“, вели тој извор.
Путин на 25 ноември го потпиша законот за медиуми на „странски агенти“.Тој статус може да го добие секој странски медиум кој се финансира од странство или таму поседува имот. Законот нема да се однесува на работата на руските медиуми.
Медиумите кои ќе бидат прогласени за странски агенти треба на соодветен начин да ги маркираат материјалите и известуваат. За грубо кршење на законот Државната дума предложила парична казна за правни лица до 5 милиони рубљи (85 000 американски долари) а за физички 100 000 рубљи (1700 долари).
Ова е одговор на заострувањето на условите за работата над руските медиуми во САД, каде телевизија Раша тудеј и новинската агенција Спутник се принудени да се регистрираат како странски агент. Освен тоа, им се скратени акредитациите за известување од американскиот Конгрес.