Добивај вести на Viber
За вистински нафтени ископувања во Хрватска се заинтересирани водечки светски компании, пишува Новости.
Сепак скептиците сметаат дека инвеститорите ќе го уништат Јадранот и дека еколошките проблеми ќе бидат поголеми од користа.
Русите и Американците само чекаат Хрвтаска да донесе нов закон кој ќе овозможи вадење на нафта и гас од Јадранот, а вистинските ископувања можно е да стартуваат веќе наредната година. Законот е во процедура и многу брзо би можел да биде усвоен, а за нафтата во Јадранот се заинтересирани многу водечки нафтени компании.
Интерес веќе покажала американската нафтена компанија "Ekson", а според хрватската политика која подолг период трага по инвестиции, за многумина ова ќе биде спас за БДП-то кое непреќинато тоне.
И Русите сакаат да го истражуваат Јадранот, а во земјата се јавуваат и заинтересирани инвеститори од Италија, Франција и Англија.
Додека на италјснска страна на Јадранот се 118 бушотини, Хрватска има само 15 кои се во сопственост на INA.
-Се проценува дека Јадранот има залиха од околу 700 милиони тони нафта, поради што е јасен интересот на странските инвеститори, изјавил познатиот хрватски експерт за експлоатација на нафта Мирко Зориќ.
Додека Хрватска им отвора можност на странските инвеститори да истражуваат за Јадранот, постои и страв во земјата дека амреканските компании ќе “избушат“ се што можат, а крајнот ефект нема да биде поволен за државата. И досега на Јадранот од десет бушења во едно се наоѓало нафта, што сепак во бизнисот се покажува како успех.
Се проценува дека платформата и се околу неа чини 250 милиони долари, што е многу пари и за светските компании, па затоа најчесто се здружуваат и создаваат конзорциум. Така ќе биде и на Јадранот, а државата очекува годишна заработка од 500 милиони долари. Во иднина постои надеж бизнисот со нафтата и гасот на Хрватска да и донесе и десет милијарди долари заработка, подари што треба да се биде трпелив и да се почекаат резултатите од истражувањето. Отимистичките прогнози говорат дека овој бизнис во Хрватска ќе го покачи БДП за дури три отсто.