РУСИНОТ ПАДНА: Кој е новиот директор кој ќе го врти кормилото на Интерпол?
Објавено во: Свет 21 Ноември, 2018
Во следните две години со Интерпол ќе раководи Јужнокореецот Ким Џонг Јанг.
Тој на тоа место ќе служи како директор на Интерпол а одлуката доаѓа по одржаните избори на 87 генерално Собрание на Интерпол во Дубаи.
Така е отфрлен кандидатот од Русија кој во последните денови беше обвинет за злоупотреба на меѓународните системи за апсење.
Ким Џонг Јанг членовите од 194 држави членки го избрале на годишниот конгрес во Дубаи, јави БиБиСи.
Кандидат од Русија беше Александар Прокопчук за кој се нагодуваше дека ќе биде избран за нов шеф на Интерпол.
Во последните денови, во меѓународната заедница дошло до загриженост дека Александар Прокупчук, кандидатот за Русија, би можел да ја користи својата улога во Интерпол во корист на рускиот претседател Владимир Путин.
Освен тоа, се обвинувало дека го злоупотребувал системот на Интерпол за црвени потерници.
Прокопчук, инаку роден во Украина, е ветеран од руското министерство за внатрешни работи. Во 2016 е избран за потпретседател на Интерпол.
Иако претседателската должност има повеќе почесен отколку оперативен карактер, кандидатурата на рускиот генерал предизвикала гнев кај критичарите на Москва поради стравот дека светската полиција би можела да стане оружје во служба на Русија.