Русите масовно купуваат имоти на Халкидики

Добивај вести на Viber

Кризата ги спушти цените на недвижниот имот во Грција и привлече многу руски граѓани кои масовно купуваат имот во вредност до 200 илјади евра. Повеќе од половина од новоизградените домови во Халкидики се продаваат на Руси, покажуваат податоците на грчките градежни фирми. Во последниве години грчките пристаништа за јахти се особено привлечни за Русите. Некои области на полуостровот Халкидики се толку населени од руски туристи што Грците сега ги нарекуваат и „руски колонии“. Туристичкиот бизнис се ориентира кон промените и повеќето таверни веќе нудат руска кујна, продаваат руски весници, па дури и персоналот задолжително треба да зборува руски. Наскоро ќе биде отворен и голем комплекс со објекти за исхрана, кој е наречен уште и мал Кремљ. На третиот крак, Атос Русите го финансираат обновувањето на зградата на манастирот. Инвестицијата е вредна 1 милион евра, информира БНР. Неодамна0 руска фирма го купи и најголемиот хотел во Платамона. Во очекување на првите туристи почнаа подготовките и во продавниците за производи од кожа, кои масовно се купуваат од Русите. Првите резервации за туристичката сезона во Халкидики покажуваат дека интересот на руските туристи е зголемен во споредба со минатата година.