САД ВО ИСЧЕКУВАЊЕ: Уште еден ураган и можни поплави
Објавено во: Свет 18 Септември, 2017
Ураганот Хосе се приближува кон североисточниот брег на САД.
Националниот центар за урагани со седиште во Мајами, информираше дека предупредувањето стапи во сила за делот кој се протега од Воч Хил во американската сојузна држава Роуд Ајланд до местото Хал во сојузната држава Масачусетс.
Од Центарот во Мајами наведуваат дека се очекува мала промена на јачината во наредните 24 часа и дека бурата подоцна малку ќе ослабне.
Најсилните ветрови денеска беа речиси 120 километри на час.
Се очекува дека бурата ќе остане далеку од брегот, но се предупредува дека во наредните неколку денови можни се крајбрежни поплави на подрачјето од сојузната држава Делавер до североисточната област Нова Англија.
Нов ураган им се приближува и на Карибите. Марија е само една од трите бури што се формираа над Атланскиот океан, но воедно и најопасна, и се движи по истата насока како и ураганот Ирма, кој пред неколку дена ги зафати Карибите. Во подрачјата се очекува да заврне и до 51 сантиметар дожд по метар квадратен.