Сакате работа во странство-тие со раширени раце ве чекаат
Објавено во: Финансии 02 Ноември, 2017
Нов Зеланд започна кампања со која сака да привлече илјадници британски работници како би помогнале во изградбата на најголемиот инструктурен и станбен програм.
Близу 65 000 нови работници ќе бидат потребни во текот на следните пет години како би се оствариле плановите за изградба во Нов Зеланд, поради што индустрискиот сектор е присилен да соработува со владата како би се осигурало досега најголемото вработување за работници од Велика Британија.
Новата влада предводена од лабуристите сака да изгради 100 000 нови куќи во следните 10 години како дел од изборното ветување, а планирани се и огромни инфраструктурни проекти кои Нов Зеланд ќе го чинат 125 милијарди долари. Меѓутоа, нема доволно новозеландски работници кои би учествувале во овој голем проект.
Владата предвидува за потребите за изградбата на Нов Зеланд да достигне врв во 2020 година. Меѓутоа, и покрај тоа што на обука моментално се наоѓаат 11 000 лица, на оваа земја ќе и требаат многу повеќе работници да ја задоволат побарувачката и да ги заменат оние кои ќе се пензионираат или ќе го напуштат работното место.
„Нашиот граѓански сектор е многу конкурентен и ваквата меѓусекторска соработка никогаш претходно не се случувала, но потребата за персонал бара да се насочиме на сите индустрии“, рекол Краиг Вест од инженерската компанија Downer.