Само мексиканската валута е полоша од лирата - што го поттикнува падот?
Објавено во: Економија 11 Јануари, 2017
Турската лира паѓа и во јануари 2017 година.
Истото се случуваше со оваа валута и во 2016 година. Само за првите осум дена на тргување во месецот, лирата изгуби 8,6% од вредноста, што заедно со падот од 2016 година значи 17% намалување.
Лирата вчера падна до историско дно во однос на доларот. Турската лира стана валута со „најлоши перформанси“ во новата година. Зад неа е мексиканскиот пезос.
Слабата лира иницираше зголемување на инфлацијата. Растот на потрошувачките цени за последниот месец достигна 8,53%, што е за над 3,5 процентни поени над нивото, поставено од Централната банка. Од UniCredit предвидуваат дека инфлацијата ќе скокне до 12% годинава, откако ги советуваат инвеститорите да се воздржат од купување на локални девизни обврзници.
Експертите велат дека Централната банка на Турција одолговлекува со промените во монетарната политика во услови на првиот пад на економијата пo седум години и политичкиот притисок од друга. Оттаму спомнаа дека може да нема зголемување на основните камати пред време.
Задолжените турски компании се обложија сериозно на кредити во странски валути. Сега имаат уште повеќе проблеми со исплата на зголемените обврски во валутата.
Турскиот претседател Реџеп Таип Ердоган лани ги повика граѓаните на Турција да ги менуваат странските валути во лири. Многу фирми нудеа награди за оние кои ќе ги сменат девизите во лири.