САУДИЈЦИТЕ СЕ ЗАКАНИЈА НА ВЛИЈАТЕЛНА ЗЕМЈА: Се мешате таму каде што не ви е место
Објавено во: Свет 07 Август, 2018
Група од Саудиска Арабија објави фотографија на социјалната мрежа „Твитер“ на која се гледа авион на компанијата „Ер Канада“ кој лета над градот Торонто, но има и закана.
На фотографијата што е објавена од групата „Инфографик КСА”, е издадено предупредување до канадската Влада, објави РТ.
Постот, кој во моменов е отстранет од нивниот профил, е објавен за време на дипломатскиот спор меѓу Канада и Саудиска Арабија поради критиките на сметка на ситуацијата со човековите права во арапското кралство.
Заедно со сликата може да се забележат и коментари како на пример: „Се мешате таму каде што не ви е место“, „Секој што се меша во работите на другите може да го стигне она што не го сака“.
Постот не прецизира што нема да биде по волја на Канаѓаните, но голем дел од твитерџиите целата ситуација си ја поврзуваат со киднапирањето на авионите, кои на 11 септември 2001 година удрија во кулите близначки на Светскиот трговски центар во Њујорк.
По постот излегоа и коментари на голем број твитерџии кои ситуацијата ја оценија како опасна.
Групата „Инфографик КСА” се опишува себеси како проект што „ги спојува младите Саудијци кои се заинтересирани за технологија и социјални медиуми”.
Тие се најчесто присутни на „Твитер“, „Инстаграм“ и „Телеграм“.