СДСМ ги осудува смислените провокации кои се одлика на политичари од минатото
Објавено во: Македонија 26 Август, 2023
И СДСМ ја осуди провокацијата на тетовскиот градоначалник Билал Касами, зад кој вчера повторно имаше знаме на Голема Албанија, додека промовираше улица. Фотографијата се појави на социјалните мрежи.
Од СДСМ велат дека Касами продолжува со организација на настани со провокации и иконографија за поттикнување поделби меѓу граѓаните. Велат времето на национализам е завршено.
„СДСМ ги осудува овие смислени провокации кои се одлика на политичари од минатото“, велат од владејачката партија.
Вицепремиерот Артан Груби рече дека настанот бил со цел да дефокусира и не е добар, ниту за Албанците, ниту за Македонците.Во Општина Тетово веќе има покана за на суд за веењето на такво знаме при посетата на косовскиот премиер Албин Курти.