СДСМ ГО ОСУДИ НАПАДОТ ВРЗ БЕЛОВСКИ: Интерес на сите граѓани е да ја дознаат вистината
Објавено во: Македонија 21 Октомври, 2016
СДСМ го осуди нападот врз новинарот на Телма, Павле Беловски кој синоќа се случи пред МВР.
„Интерес на сите граѓани е да ја дознаат вистината и да бидат информирани. Тоа е можно само ако новинарите непречено и без никакви закани по нивната безбедност и без притисоци ги извршуваат своите професионаплни задачи“- се вели во соопштението од партијата.
Тие најавија дека по победата на изборите ќе им овозможат на новинарите слободно да известуваат.
„Медиумските слободи ќе бидат вратени, а Македонија никогаш веќе нема да биде оквалификувана како земја со неслободни медиуми од релевантните меѓународни организации“ - додаваат од СДСМ.
Велат дека режимот на Никола Груевски ќе биде поразен на 11 декември.