СДСМ: МВР, истражните и судски органи целосно да го расчистат случајот со палењето на автомобилот на Груби
Објавено во: Македонија 23 Јули, 2023
Од СДСМ доцна синоќа испратија соопштние во кое го осудија, палењето на возилото кое го користел вицепремиерот Артан Груби.
„Очекуваме сите надлежни институции, МВР, истражните и судски органи целосно да го расчистат случајот, а јавноста да биде информирана за причините, мотивите и сторителите кои треба да понесат одговорност“, наведуваат во кусото соопштение на СДСМ.
За запаленото Ауди, Груби кажа дека е на негов пријател, а не негово. Во полиција како сопственик на возилото се води друго лице. Груби такво возило нема пријавено во анкетниот лист. Истражните органи треба да утврдат кој е вистинскиот сопственик на автомобилот и дали вицепремиерот криел имот.