СДСМ: Не постојат повеќе никакви пречки мандатот веднаш да биде доделен
Објавено во: Македонија 09 Мај, 2017
Не постојат повеќе никакви пречки мандатот за нова Влада веднаш да биде доделен, сметаат од СДСМ.
Според нив, Ѓорѓе Иванов нема повеќе никакви изговори за да ја исполни својата уставна обврска кон граѓаните на Република Македонија.
„Државен интерес на граѓаните на Република Македонија е да добијат Влада како што изгласаа којашто ќе ја придвижи земјата напред во евро-атлантските процеси и ќе обезбеди квалитетен живот за сите и тоа ќе се случи. Ќе биде реафирмирана и Програмата на новата реформска Влада што ја гарантира унитарноста и независноста на државата. На граѓаните на Република Македонија итно им е потребно смирување на политичката и економската состојба во државата. Тоа ќе го обезбеди новата реформска Влада. Затоа ова е врвен државен интерес и секое спротивставување на мирен трансфер на власта повлекува одговорност. Граѓаните сакаат Македонија интегрирана во ЕУ и НАТО како дел од цивилизираниот демократски свет! Македонија мора да оди и ќе оди напред!“ - стои во соопштението од СДСМ.
Ги повикуваме сите во државата конструктивно да се вклучат во демократските процеси, што се незапирлив процес“, се вели во партиското соопштение.