Се очекува локално невреме со град и ветер
Објавено во: Македонија 23 Мај, 2017
Македонија до сабота ќе биде под влијание на серија влажни воздушни бранови.
Времето во попладневните часови ќе биде променливо облачно и нестабилно со поројни врнежи од дожд и грмежи.
Денеска и утре ќе има услови за локално невреме со појава на град и засилен ветер.
Во четврток ќе биде облачно преку целиот ден и се очекуваат пообилни врнежи од дожд, особено во јужните делови. Во петок и сабота врнежи ќе има локално, но ќе дува засилен северен ветер.
Од утре температурата во земјава значително ќе се намали.