СЕ ОГЛАСИ КАБИНЕТОТ НА ПРАВДА: Барањето Тупанчески да го потпише мислењето за еврообврзницата стигна дури откако тој се врати на Правниот факултет
Објавено во: Финансии 16 Февруари, 2023
„Ве информираме дека министерот за правда Никола Тупанчески до Владата поднесе оставка од функцијата на 10.02.2023 година. Собранието ја констатираше оставката и престанокот на функцијата министер за правда на седница на 13.02.2023 година. Од 14.02.2023 година, Никола Тупанчески е во работен однос на Правниот факултет ‚Јустинијан Први'. Барањето од Министерството за финансии за потпишување на правно мислење за еврообврзницата е примено во Министерството за правда на 15.02.2023 година. Со оглед на тоа што Тупанчески не е министер за правда од 13 февруари, тој нема право да стави потпис како министер“, се вели во соопштението од Тупанчески.
Професорот Тупанчески и со принтскринови од документи кои ги доставува до јавноста, ја потврдува веродостојноста на неговвото тврдење.
Како што е познато, еврообврзницата од 600 милиони евра пропаѓа и ќе мора да се организира нова аукцција, бидејќи правното мислење од поранешниот министер за правда не е потпишано, и мора да се чека изгчласувањето на новиот министер од Собранието.
Премиерот Димитар Ковачевски денеска рече дека Тупанчески бил во оставка и процедурата не дозволува потпис кога некој министер е во оставка, а не дека тој е лут поради неговата смена.