СЕ ПОСКАПО СТАНУВА ЗАДОЛЖУВАЊЕТО НА ДРЖАВАТА НА ДОМАШНИОТ ПАЗАР - издадени обврзници со камати од 3,7 и 3,5 отсто
Објавено во: Финансии 01 Јули, 2022
Растат каматите по кои се задолжува државата на домашниот пазар преку државни обврзници.
Ако пред месец и половина беше издадена државна обврзница без девизна клаузула, со каматна стапка од 3,1 отсто, неодамна државата издала два вида обврзници, а за кои ќе плаќа камати од 3,7 отсто и 3,5 проценти.
Овие државни обврзници ќе котираат и на Македонската берза, и за нив неодамна известија од македонскиот пазар на капитал. Според информациите од Берзата, веќе од 22 овој месец на берзанскиот пазар ќе почнат да котираат овие две државни обврзници.
Првиот тип се државни обврзници без девизна клаузула, чија вредност изнесува 5,66 милиони евра, односно 348 милиони денари.
Всушност, државата
издала 34.810 обврзници,
на номинална вредност од по 10.000 денари за обврзница, и тоа на 16 јуни.
Нивниот рок на отпата е 15 години, односно ќе достасаат во јуни 2037 година.
Каматната стапка по која се задолжила државата изнесува 3,7 отсто. Со овие обврзници
треба да има континуирано тргување.
Вториот тип на државни обврзници кои се издадени се со девизна клаузула. Вкупната вредност на емисијата е 6,16 милиони евра, или 379 милиони денари, а каматната стапка изнесува 3,5 отсто. Бројот на издадени обврзници е 37.900, со номинална вредност на една обврзница од 10.000 денари. Рокот е 15 години, со датум на достасување во јуни 2.037 година.
Пред месец и половина пак, државата издаде 15 годишна домашна обврзница, со каматна стапка од 3,1 отсто, издадена од Министерството за финнии. И таа веднаш почна да котира на Македонската берза. Обврзницата е без девизна клаузула, а вредноста на емисијата беше 15,83 милиони евра. Датумот на нејзиното достасување ќе биде мај 2037 година.
Државата кога се задолжува на домашниот пазар обично во тие државни хартии од вредност вложуваат домашните банки или институционлните инвеститори, на пример фондови.
Н.Н.Ф.Можеби ќе ве интересира
ОВИЕ РАСТЕНИЈА МОЖАТ ДА ДОНЕСАТ ВИСТИНСКО БОГАТСТВО: Годишно може да се заработат 40.000 евра, само еден грам зачин чини 40 евра
„МИНАТА ГОДИНА БЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
АКО ЛЕТОВО ОДИТЕ ВО ЦРНА ГОРА, БИДЕТЕ ВНИМАТЕЛНИ, ЌЕ ЛЕТААТ КАЗНИ ДО ИЛЈАДА ЕВРА: Еве зошто властите одлучија да ги казнуваат туристите
АКО ВО СРБИЈА ВИ СЕ ОТВОРИ ШАНСА ДА РАБОТИТЕ НА ОВИЕ МЕСТА, ЌЕ ДОБИЕТЕ „МРСНА“ ПЛАТА: Некои професии се плаќаат и 300 илјади денари
КАКО Е ДА СЕ БИДЕ РАБОТНИК ВО ШПАНИЈА: Се грижат за менталното здравје, а еве ги нивните плати
ПАРКИНГ ПРОСТОР НА ПРОДАЖБА ЗА „САМО“ 500 ИЛЈАДИ ЕВРА: Има само 18 метри квадратни, а се наоѓа на зелен простор! Еве каде е овој луксуз
КОЛКУ ЗАРАБОТИЈА РУСКИТЕ ОЛИГАРСИ ОД ПОЧЕТОКОТ НА ИНВАЗИЈАТА ВО УКРАИНА: сега има многу повеќе милјардери!
ЦЕНАТА НА ЗЛАТОТО ПАДНА, НАФТАТА ПОД 84 ДОЛАРИ - Европските и американските берзи бележат раст
СТРАВ ОД ОДМАЗДА - веќе не се зборува за конфискација на руски имот
