СЕ ЗНАЕ КОЈ Е ТЕРОРИСТОТ ОД БЕРЛИН: Во кабината на камионот најдена неговата лична карта

За него полицијата интензивно трага, јавија германски медиуми. Според нив во управувачката кабина на камионот е пронајдена потврда за престој со податоците на Тунискиот граѓанин Анис А (24) роден во Татуин. Се верува дека осомничениот користел и други лажни имиња. Според германската АДР новата трага води кон салафастичките кругови во Германија.

Полицијата соопшти дека Анис А е припадник на салафистите од западот на земјата. Објавена е неговата фотографија и го бараат низ целата земја. Има најмалку четири идентитети, а полицијата го знае од претходно како личност која претставува закана за јавната безбедност.

Од камионот полицијата земала и ДНК докази и бидејќи заклучиле дека во кабината на украдениот камион дошло до тепачка, се верува дека напаѓачот е повреден. Поради тоа полицијата ги контролира сите болници.

Најпрво беше уапсен Пакистанец врз основа на описот кој им го дал минувач.

Меѓутоа брзо стана јасно дека тој не е виновен бидјеќи терористот го убил полскиот возач и поради тоа на себе можел да има трагови од барут и крв. Освен тоа, полицијата со контрола на мобилниот на Пакистанецот не нашла ништо што би покажало дека е во врска со терористи.