Седумдесет земји се активираат во борба против тероризам
Објавено во: Свет 26 Април, 2018
Многу европски и арапски држави ветија дека целосно ќе го криминализираат финансирањето на патувања и регрутирање за терористички цели, дури и кога тоа не е е поврзано со конкретен терористички напад.
Седумдесетина земји ветија дека ќе преземат нови мерки за спречување на финансирањето терористички организации, на дводневната конференција во Париз.
Учесниците на конференцијата се обврзаа да преземат акции за справување со ризиците поврзани со начините на плаќање кои потешко се следат, како што се готовина, припејд картички и системот за пратки „хавала“, често застапен во некои африкански земји.
На конференцијата е договорено да се преземат чекори за да се обезбеди спроведување на анти-терористички финансиски стандарди во однос на непрофитните организации, а притоа да не се обесхрабруваат активностите на граѓанското општество.