Северна Кореја се закани дека ако има построги санкции САД ќе ја платат цената
Објавено во: Свет 11 Септември, 2017
Северна Кореја предупреди дека на САД ќе им нанесат „најголемо страдање и болка“ ако продолжат во Обединетите нации да бараат заострување на санкциите.
Советот за безбедност денеска треба да гласа за предлогот на Вашингтон за поостри санкции врз Пјонгјанг.
Министерството за надворешни работи на Северна Кореја предупреди дека доколку Вашингтон влијае за усвојување, Северна Кореја ќе преземе мерки за кои „цената ќе ја платат Соединетите држави“.
Советот за безбедност на Обединетите нации го прифати барањето на СAД и денеска ќе гласа за нови санкции врз Северна Кореја за нејзиното постојано непочитување на резолуциите на Советот во врска со нејзината нуклеарна и балистичка програма.
Тоа велат претставува натамошно загрозување на мирот во светот од страна на Пјонгјанг.
САД најпрвин предложија целосна забрана на снабдување со широк спектар на нафтени производи и на извоз на севернокорејската текстилна индустрија.
Побарано е и замрзнување на имотот на севернокорејската влада и на нејзиниот лидер Ким Џонг Ун, како забрана за негово патување во странство.
Подоцна американските претставници во Обединетите нации доставија нов малку поблаг предлог од претходниот.
Во него се бара „прогресивно“ нафтено ембарго врз Северна Кореја.
Не се знае дали Кина и Русија кои се најголемите сојузници на Северна Кореја ќе ги поддржат новите мерки против Пјонгјанг.
Овие две земји имаат право на вето во Советот за безбедност.
Северна Кореја на 3 месецов реализираше шеста нуклеарна проба со хидрогенска бомба која е посилна од атомската.
Можеби ќе ве интересира
ЗА НАПАДОТ ВО МОСКВА: Руската полиција уапси уште еден Таџикистанец
ПОЧИНА БЕБЕТО КОЕ ЛЕКАРИТЕ ВО ГАЗА ГО ИЗВАДИЈА ОД УТРОБАТА НА УБИЕНАТА МАЈКА: По неколку дена се јавиле сериозни здравствени проблеми
ПИШУВАЛА АНТИВОЕНИ ГРАФИТИ: Руска тинејџерка е осудена на 3.5 години затвор
Ќе бидат потребни 14 години да се отстранат урнатините во Појасот Газа, вели официјален претставник на ОН
КИНА И САД ТРЕБА ДА БИДАТ ПАРТНЕРИ, НЕ РИВАЛИ: Кси Џинпинг го пречека Блинкен
„КРАЛОТ ЧАРЛС Е ВО МНОГУ ПОЛОША СОСТОЈБА ОТКОЛКУ ШТО СЕ ПРИКАЖУВА ВО ЈАВНОСТА“: Погребот активно се планира
Официјално: Тенковите „Абрамс“ тргнати од првата борбена линија
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
ЌЕ ГИ ОГРАНИЧАТ ОДНОСИТЕ СО ПУТИН: Европскиот парламент ги прогласи изборите во Русија за нелегитимни
