СЕЗОНАТА НА ПРАГОТ: Летово во Грција ќе ви требаат повеќе пари-бидете подготвени на „изгор цени“
Објавено во: Балкан 08 Мај, 2017
Првомајскиот продолжен викенд туристите го искористија за „отворање на сезоната на капење“ во туристичките места на северот од Грција.
Цените на аранжмани по лице не преминуваа 50 евра со или без доплата за автобуски превоз па тоа беше повод за четиридневен престој во местата 60-тина километри од Солун на бреговите на морето.
Грчките власти соочени со новите услови на Меѓународниот монетарен фонд и процесот на финансиска консолидација, воочливо ги зајакнаа финансиските контроли на угостителските објекти и трговски продавници.
Контролите почнаа веднаш по отворањето на локалите, па било забележливо, што во претходните години не беше случај, да угостителските услуги следат се почесто и издавање на фискални сметки.
„Никогаш не знаеме кога ќе ни дојдат даночни контролори. Тешко е после толку да се воведе ред, но со оглед на казните од 15 до сто илјади евра да се ризикува е опасно“, објаснува сопшственикот на ресторанот за брза храна „Попај“ во Паралија.
Поради зголементе финансиски контроли проценките се дека цените ова лето ќе бидат и до 20 отсто поголеми.
Цената на гирото останала 2,2 евра, со таа разлика што секој додаток се наплаќа 0,3 центи (домати, павлака, кромид). Цената на овој најпоплуарен специјалитет кога е во прашање порција се движи од 6,5 до осум евра, што во просек е зголемување за околу 10 проценти. Еспресо чини 1,2 , пиво од 2,5 до четири евра и тоа според најавите ќе биде и цената за оваа сезона.
Официјално, туристичката сезона во Грција почнува на 20 мај. Дотогаш цените на ноќевање во двокреветна соба со кујна се движат од 20 до 30 евра во зависност од категоријата.
Грчките туристички работници очекуваат годинава да имаат за повеќе од 20 проценти повеќе ноќевања со оглед на ситуацијата во Турција, која, како велат, им е „најголем конкурент“.
Цените на аранжмани во местата и на островите на југот кои се поблиски до Атина и нудат поголема удобност и луксуз, се повисоки во однос на местата на северот и до 40 проценти, во зависност од категоријата на сместување и вид на хотелски услуги.