Шефот на државата сака владата да го објави текстот на договорот со Бугарија
Објавено во: Македонија 25 Јули, 2017
Шефот на државата Ѓорге Иванов ја повика владата да го објави текстот на договорот за добрососедство со Бугарија пред потпишувањето на документот. Според Иванов недостатокот на транспарентност предизвикува негативни коментари и загриженост во општеството, која треба да се надмине преку објавување на текстот пред потпишувањето на документот.
Претседателот потенцира дека секогаш треба да се имаат предвид националните и државните интереси на Република Македонија и дека ниеден меѓудржавен договор не треба да биде на штета на македонските национални интереси, се вели во соопштението од кабинетот на Иванов.
Вчера тој оствари средба со министерот за надворешни работи Никола Димитров, на која беше информиран за последната опција на договорот за пријателство и добрососедство со Бугарија.
Шефот на државата се обврзува да продолжи да учествува и во иднина во процесите на помирување и решавање на спорните прашања по мирен пат и преку политички дијалог во согласност со меѓународното право и добрососедските односи, за да се постигнат фер одлуки врз основа на принципите на меѓусебно почитување и поддршка и немешање во внатрешните работи на земјите, се вели во пораката на претседателската канцеларија.
Истовремено Иванов ја поздрави волјата и посветеноста на сите кои во изминатиот период беа вклучени во напорите за усогласување на договорот меѓу двете земји.
Можеби ќе ве интересира
„СДСМ КО ЕДВАЈ ДА ЧЕКАШЕ ДА ИЗГУБИ“: Колозова во нејзин стил, вели нема кој да не вади од паланкава
ФАКТОР НА ДЕНОТ: Се сумираат резултатите од изборите, Силјановска со голема разлика пред Пендаровски
ХАЈРЕДИНИ: Што ќе се случи ако Македонците се обединат?
МИЦКОСКИ: Мобилизацијата на граѓаните ќе биде одговор на евентуален бојкот на СДСМ и на ДУИ на вториот круг
ДИК: Tечат роковите од 48 часа за приговори, на трите места во Куманово нема да се прегласува
МЕТА: Победата на Силјановска-Давкова ќе биде уште поголема во вториот круг
ГРЧКИ МЕДИУМИ: Што пишуваат за првиот круг од претседателските избори во Македонија?
(ВИДЕО) ГРУБИ СО КУФЕР ДОЈДЕ ПРЕД ОПШТИНА ЧАИР: Сега земете го куферот и одете дома
ЕВЕ ВО КОЈА ОПШТИНА ВАНКОВСКА ГО ПРЕТРКА МАКСИМ, А КОЈ ЕЗЕРСКИ ГРАД СЕ ОПРЕДЕЛИ НАЈСИЛНО ЗА ДАВКОВА - гласање во најголемите места во внатрешноста
