Шкотска прва во светот воведува минимални цени на алкохолот
Објавено во: Свет 02 Мај, 2018
Шкотска е прва во светот што воведува минимални цени на алкохолот. Оваа иницијатива стана реалност по неколкугодишни правни борби, информира АФП.
"Шкотска е прва во светот, премногу храбра и решителна, за да воведе единствена минимална цена", изјавил за АФП Никола Страџен, регионален премиер на Шкотска.
"Мислам дека земјите во Европа и на друго место во светот ќе се обидат да го воведат она што тука го направи Шкотска", додаде таа, истакнувајќи дека Ирска и Велс размислуваат за слични планови.
Веќе е одредена минимална цена од 50 пени (0,70 долари или 57 центи) за единица алкохол - мерка која ја предвидува истовремено содржината на алкохол и обемот на производот.
Оваа иницијатива, чија цел е да се бори со штетата од алкохолот, беше поздравена од лекарскиот сектор како најголем напредок во напорите за заштита на јавното здравје по забраната за пушење на јавни места.
"Овој закон ќе спаси животи", изјавила г-ѓа Елисон Даглас, главен директор на добротворната организација која предвиде дека законот најверојатно ќе го спаси животот на 58 лица во првата година од неговото воведување во сила и до 121 животи "до 20 години, кога оваа политика ќе достигне целосен ефект ".
Во 2016 година 1265 смртни случаи биле поврзани со алкохол во Шкотска каде живеат 5,3 милиони луѓе. Ова е зголемување од 10 отсто во текот на претходната година.