Шпанија во голема акција за апсење на терористи
Објавено во: Свет 25 Април, 2017
Шпанската полиција спроведе голема акција за апсење на исламисти кои се осомничени за извршување на терористички напади во Европа, нивно организирање, планирање, како и логистичка поддршка за извршителите.
Се претпоставува дека меѓу уапсените има лица поврзани со самоубиствените напади во Брисел од март минатата година, во кои загинаа над 30 лица, изјави портпаролот на полицијата.
Сите уапсени во Барселона се марокански државјани на возраст меѓу 21 година и 39 година
На операцијата ѝ претходеше 11-месечната истрага на група осомничени исламисти кои дејствуваа во областа на Барселона, изјавија органите на прогонот. Истрагата останува отворена.