ШТО ЈА ПАДНА ИНДУСТРИЈАТА ВО МАРТ, „ПОТОНА“ ЗА НАД 10 ОТСТО - најголем минус во снабдувањето со струја и гас
Објавено во: Економија 30 Април, 2024
Голем пад на индустриското производство е регистриран во март оваа година во однос на март лани.
Односно, индустријата во март годинава паднала за дури 10,4 проценти, објави денеска Државниот завод за статистика.
Огромен пад има во секторот снабдување со струја, гас, пареа и климатизација.
Гледано по сектори, индустриското производство во секторот Рударство и вадење на камен во март 2024 година, во однос на март 2023 година, бележи пораст од 1,9 отсто, во секторот Преработувачка индустрија бележи опаѓање од 7,6 отсто, а во секторот Снабдување со електрична енергија, гас, пареа и климатизација опаѓање од 38,6 отсто, објаснуваат од Државната статистика. .
Намалувањето во секторот Преработувачка индустрија е резултат, пред сѐ, на намаленото производство во следните оддели: Производство на прехранбени производи, Производство на тутунски производи, Производство на облека, Производство на хартија и производи од хартија, Печатење и продукција на снимени медиуми (записи), Производство на хемикалии и хемиски производи, Производство на основни фармацевтски производи и фармацевтски препарати, Производство на метали, Производство на фабрикувани метални производи, освен машини и опрема и Производство на моторни возила, приколки и полуприколки.
Според главните индустриски групи, производството во март 2024 година, во однос на март 2023 година, бележи опаѓање кај Енергија за 34,9 отсто, Интермедијарни производи, освен енергија за 3,4 отсто, Капитални производи за 5 отсто, и Нетрајни производи за широка потрошувачка за 12,8 отсто, додека пораст бележи кај Трајни производи за широка потрошувачка за 3,5 отсто.
Индексот на индустриското производство во периодот јануари – март 2024 година, во однос на периодот јануари – март 2023 година, изнесува 96,9, што значи дека има опаѓање кумулативно за трите месеци за 3,1 отсто.
Можеби ќе ве интересира
„ДА СЕ КРАДЕ ОД БУЏЕТОТ 32 ГОДИНИ, НА НАМИЛОСРДЕН НАЧИН, И ДА НЕ МОЖЕ ДА СЕ СПРЕЧИ...“: целиот разговор со Бранко Азески на „Бизнис муабети“
„СО БРАНЕ И РИЛИНД НЕ СЕ ПЛАШЕВ ОД НИТУ ЕДНА БИТКА“ - средба на Тевдовски со некогашните соработници
„Тиквеш“ ги претстави своите модерни практики пред учесниците на регионалната Винска летна школа
АКО ОДИТЕ ВО ГРЦИЈА, НЕ МОРА ДА ЗАПАЛИТЕ ЦИГАРА ВО АВТОМОБИЛОТ, ИМА ДРАКОНСКИ КАЗНИ - еве за што ќе мора да платите 1.500 евра
Давор Сакач, директор на Telekom Srbija Ventures Fond: Половината стартапи во кои инвестиравме се засновани на развојот и имплементацијата на ВИ
Бимилк организираше семинар со д-р Ранко Рајовиќ за негување на интелектуалните способности на децата
ЕДЕН ОД НАЈБОГАТИТЕ СРПСКИ БИЗНИСМЕНИ КУПИ ХОТЕЛ ВО СЛОВЕНИЈА - има фитнес, велнес и конференциски центар, ова се деталите
„Лидл“ за секој вработен во Македонија троши по 3.000 евра месечно
ФАКТОР АНАЛИЗА: Најуспешни компании во Градот на Гемиџиите - фамилијарен бизнис направи топ-добивка од „амбалажа“ за храна
