Што ќе се случи со собата од хотелот во Лас Вегас од каде се изврши најсмртоносното пукање досега?
Објавено во: Свет 22 Октомври, 2017
Од собата 32135 во хотелот Мандалај беј во Лас Вегас, која нуди поглед на славниот Стрип, неодамна беше извршено најсмртоносното пукање со огнено оружје во историјата на САД.
Собата на 32 кат, во која ноќевање чинело 644 долари, беше местото од кое Стивен Педок отвори оган врз публиката на фестивал со кантри музика, уби 59 луѓе и повреди повеќе од 500.
Што ќе биде сега со таа соба?
Компанијата MGM Resorts, во чија сопственост е хотелот, соопшти дека во иднина нема да ја изнајмува оваа соба.
„Ова е ужасна трагедија, која ја предизвика еден злобен човек. Во иднина нема да ја изнајмуваме оваа соба“, рекол претставник од компанијата за Лас Вегас Сан.
Уште не се знае што точно ќе се случи со неа - дали ќе биде запечатена, ќе се користи како помошна просторија или нешто трето.