Што се случува со кредитниот рејтинг на Турција?
Објавено во: Балкан 25 Септември, 2016
Meѓународната рејтинг агенција Moody's го намали кредитниот рејтинг на Турција до ниво "junk", објави Financial Times.
Причината за тоа се ризиците, вклучувајќи ги и потребите од надворешно финансирање и слабеење на кредитните основи, додека економскиот раст забавува.
Покрај тоа Moody's го намали долгорочниот кредитен рејтинг на земјата од "Baa3" до "Ba1" со стабилни изгледи.
Moody's наведува дека очекува негативно влијание врз економскиот раст да имаат политичките превирања во земјата по обидот за преврат во јули, што би можело да штети на исклучително важните странски инвестиции и да ги успори економските реформи.
Агенцијата вели дека очекува влошувањето на кредитниот рејтинг на Турција да продолжи и во следните две до три години.
Moody's објави дека очекува реалниот раст на БДП на Турција меѓу 2016 и 2019 година да биде 2,7%.