Силен земјотрес во Турција урна згради и повреди луѓе
Објавено во: Балкан 02 Март, 2017
Повеќе од пет лица се повредени во земјотресот со јачина од 5,5 степени кој денеска го погоди градот Самат во југоисточна Турција.
Епицентарот на потресот бил во регионот на Самат во провинцијата Адијанам, а по него уследиле уште четири послаби потреси од кои два со јачина од 4,2 и 4,4 степени.
Земјотресот, регистриран во 13.07 часот по локално време бил на длабочина од 10 километри и се почувствувал и во окрузите Газиантеп, Килис, Батман и Шанлијурфа.
Урнати се неколку згради, меѓу кои и едно училиште и резиденцијата на градоначалникот и локалниот гувернер.
При уривањето на објектите никој не е повреден. Земјотресот предизвика паника меѓу населението.
Мештаните излегоа на улиците исплашени за своите животи.