Силна експлозија во Марсеј - се знае која е причината
Објавено во: Свет 13 Јануари, 2017
Жителите на францускиот град, Марсеј денеска беа вознемирени од бучава како од експлозија, кој ги изненади околу 13 часот.
Според некои жители на градот имало две експлозии.
Но, потврда за експлозија нема ниту од спасувачките служби на градот, ниту од градскиот совет.
Малку подоцна агенцијата Франс прес јави дека бучавата била предизвикана од воен авион, кој ја поминал звучната бариера.
Француското издание „Ле Фигаро" соопшти дека причината за летот на авионот, како и регионот во кој летал се чува во тајност од војската.
Франција останува под висок степен на тревога поради терористичките напади во Париз во 2015 година и во Ница лани.