СИНДИКАТОТ БАРА: Државната помош да оди директно на сметките на работниците и кривична одговорност за алчните газди
Објавено во: Економија 04 Јануари, 2021
Најголемиот синдикат во земјава, Сојузот на синдикати на Македонија, нема да отстапи од намерата и од своето барање - субвенциите за плати што ги дава државата, да одат директно на сметките на работниците, а не кај работодавачите, бидејќи се случуваат злоупотреби.
Синдикатот вели дека газдите кои зедоа државна помош, а не исплатија плати, се „алчни и себични, и дека се виновни што работниците ја започнаа новата година без плата“.
Недопустливо е работниците во време на Ковид-19 криза да останат без плати кои чесно си ги изработиле и без субвенциите обезбедени на наше барање од нашиот социјален партнер Владата, децидни се од ССМ.
„Алчните газди по петти пат оставија работници без никаква егзистенција, а иако УЈП овој пат дејствуваше веднаш, се покажува дека и тоа не е доволно и дека и покрај сознанијата и информациите во јавноста кои ги изнесуваме и ние и државните институции за одговорноста за овој вид на злоупотреби, повторно има работодавачи кои немаат милост ниту спрема работникот, ниту пак се плашат од државата и од казни.
Затоа, ССМ покрај паричните казни, бара и кривична одговорност, зошто законот е еднаков за сите и не познава газди, граѓани или работници, тој е еднаков за сите“, се вели во соопштението од Сојузот на синдикати на Македонија.
Можеби ќе ве интересира
ФАКТОР АНАЛИЗА: Скопските ИТ компании доминираат со направените добивки кај програмерите
ЕКОНОМСКИ НАПРЕДОК: За две децении 10-те „нови членки“ на EУ го удвоија својот БДП
„Ќе забават инвестициите на германските компании во Македонија“: бизнис климата ја оценуваат како добра, но недостига стручен кадар
ФАКТОР АНАЛИЗА: Најголеми компании по добивка во Струмица - Панче Заев и Г'на дебитанти
ИЗМАЧУВАЧКО БАВНО ЗАКРЕПНУВАЊЕ: Европската комисија ја намали економската прогноза за Германија
Меѓународните туристи добиваат подобро искуство за патување со преференцијалните мерки на Кина
ЗА ДОБРА ГОЛТКА ВИНО СТРАНЦИТЕ НЕ ЖАЛАТ ПАРИ, „ТИКВЕШ“ СО ПРИХОД ОД НАД СЕДУМ МИЛИОНИ ЕВРА - еве колку е чистиот профит за три месеци
СЕ БЛИЖАТ ОДМОРИТЕ: Уживањето на плажа се плаќа на рати
АЗЕСКИ НА СРЕДБА СО РАКОВОДСТВОТО НА „КОСТАЛ ГРУПАЦИЈАТА“ ОД ГЕРМАНИЈА
