СЈО возвраќа на жалбата за притвор на Кочан, адвокатот стого крие каде е бизнисменот

Добивај вести на Viber

Специјалното јавно обвинителство подготвува одговор на жалбата на одбраната на Сеад Кочан по кој се трага со меѓународна потерница.

„Денес до СЈО беше доставена жалбата изјавена од одбраната против решението за определување мерка притвор за едно осомничено лице во случајот „Труст“.

Ве известуваме дека во законскиот рок од 24 часа ќе биде поднесен одговор на жалба“, информираа од кабинетот на Катица Јанева.

По жалбата на СЈО, Апелацискиот суд има рок од 48 часа да донесе одлука дали Кочан ќе оди во притвор, или ќе му се укине.

Адвокатот на Сеад Кочан пак држи во тајност каде е бизнисменот со образложение дека е ирелевантно е каде се наоѓа Кочан и кога ќе се врати.

Адвокат Никола Додевски останува на ставот дека одлуката за притвор на Кочан е донесена противзаконски и дека е протизаконито решението на Кривичниот совет кој му определи притвор на Кочан како и тоа дека Советот веднаш не постапил по жалбата на одбраната и не го испратил предметот на Апелација на одлучување. 

МВР веќе четврт ден не може да му влезе во трага на првиот осомничен во најновата истрага на СЈО „Труст“.

Сеад Кочан се сомничи дека со фалсифукувани документи добил тендер од државната компанија ЕЛЕМ, вреден 17 милиони евра.