Скопјанец наследил 15 000 евра од родителите, УЈП му лапнала 10.500
Објавено во: Финансии 17 Ноември, 2016
Скопјанец, кому родителите по нивната смрт му оставиле 15.000 евра, што ги чувале „под перница“, решил да ги однесе во банка. Но, по извесно време тие му биле оданочени со данок од 70 проценти, односно му биле одземени 10.500 евра, пренесе плусинфо.
Упатените објаснуваат дека ова не е единствен случај. Голем број граѓани, исплашени од случувањата по распадот на поранешна Југославија, кога парите им останаа заробени во банките, своите заштеди долго време ги чувале „под перница“, за да подоцна почнат да ги внесуваат во банките. Но, сега тие се соочуваат со нов проблем - да докажат како се стекнати тие пари. Во спротивно, ќе им бидат оданочени - поточно одземени - повеќе од половина. Бидејќи сè уште нема регулатива со која таквите пари ќе бидат легализирани, и од која ќе бидат задоволни „двете страни“, излегува дека на граѓаните им е поисплатливо и натаму да ги чуваат дома.
Во УЈП велат дека вакви случаи имало и сè уште има. Потенцираат дека регулативата е прецизна и дека тие во многу наврати ја информирале јавноста.
Повеќе прочитајте тука!