СЛОВЕНИЈА СЕ ЗАКАНИ НА ХРВАТСКА: Како и зошто ќе го саботираат нивниот туризам?
Објавено во: Балкан 12 Јануари, 2017
Словенија се закани на соседна Хрватска дека може да го саботира нивниот туризам.
Словенечкиот министер за надворешни работи, Карл Ерјавец изјави дека Словенија може да ја саботира хрватската туристичка сезона. Ова ќе се случи ако Хрватска одбие да примени одлуки на арбитражен суд за Пиранскиот залив. Министерот вели дека ова сигурно ќе наштети на Хрватска.
„Мислам на оние кои од Австрија и Германија преку Словенија ќе патуваат кон Хрватска. Ако тоа прашање биде отворено и ако арбитражната одлука не биде имплементирана, ќе има потешкотии и таа работа нема лесно да се реши“ - вели Ерјавец за ТВ Сити од Словенија.
Ерјавец додава дека Владата во Љубљана побарала од сите државни тела да се подготват за примена на арбитражната пресуда и извршување суверени права на места за кои во пресудата се вели дека се словенечки. Тоа би можело да предизвика нови „блиски средби“ и инциденти меѓу словенечката и хрватската полиција на спорното морско подрачје во Пиранскиот залив.
Според риечки Нови лист, Ерјавец „очигледно смислил план како би се саботирал патот на германски и австриски туристи низ Словенија кон Хрватска“.
Весникот додава дека таа скандалозна и недипломатска изјава најавува скорешна ескалација на словенечко-хрватскиот спор за судбината на арбитражната одлука на судот што се очекува оваа година.
Словенечките политичари очекуваа по промената на владата во Загреб и промена на одлуката за откажување од арбитража и за враќање на Хрватска во таа постапка. Сепак, Загреб соопшти дека за нив арбитражниот договор е мртов.
Хрватска и Словенија не успеваат 25 години да го решат тој спор со билатерални преговори.
Можеби ќе ве интересира
НА ПАЗАРИТЕ ВО СОСЕДСТВОТО ОТКРИЕНА ЛАЖНА „ПЛАЗМА“: Разбиен огромен синџир на продажба на фалсификувани производи
РЕЗОЛУЦИЈАТА ЗА СРЕБРЕНИЦА ГО „ТРЕСЕ“ БАЛКАНОТ - наместо да го помири регионот како што предлагаа клучни спонзори од Западот
ПЛАТА 120.000, А НЕ ВИ ТРЕБА ФАКУЛТЕТ! Младите се почесто отвораат сопствен бизнис во оваа област, а работници нема доволно во Србија
СРБИН МОЛИ ПУТИН ДА МУ ПОМОГНЕ: Се борел во Украина, а не добил руско државјанство
УПАТЕНИ НА ПСИХИЈАТАР ВО БЕЛГРАД: Убијците на Данка одат на вештачење
МАКЕДОНЦИТЕ ПОЧНАА МАСОВНО ДА ОДАТ ВО ГРЦИЈА: Еве ги цените во предсезоната
Вучиќ им се извини на Словенците по изјавата дека се „одвратни“, но не и на нивните политичари
МАЈКАТА НА ДАЛИБОР ДРАГИЈЕВИЌ: Не се сомневам дека ќе се дознае кој го убил мојот син
ЕВЕ КАКО ИЗГЛЕДАШЕ ГРЦИЈА - портокалов сахарски песок над Атина (ФОТО)
