Снежана забранета поради сексуално експлицитна содржина
Објавено во: Свет, Стил 23 Јануари, 2016
Популарната приказна за Снежана и седумте џуџуња е забранета во училишните библиотеки во Катар откако родителите на децата се пожалиле на “сексуално експлицитна содржина“.
Родителите на децата кои одат во Меѓународното училиште во Катар изразиле загриженост поради илустрациите во книгата, како и текстот кој го сметаат за непристоен и несоодветен за деца. Поради таа причина Врховниот совет за образование наредил оваа книга да се повлече од библиотеките.
Училиштата во Катар мора да реагираат соодветно на одлуките на Врховниот совет за образование, на кој една од целите му е “зачувување на исламските вредности и традиции“.
“Мило ни е што Советот реагираше толку брзо и се извинуваме на сите родители поради ненамерната навреда и на што книгата предивика“ изјави директорката на училиштето Вивиан Ариф.
Цензурата на сексуално експлицитна содржина не е ништо необично во Катар, кој неодамна до забрани и прикажувањето на филмот "The Danish Girl".