Со 7 милиони евра, НОРМАК Инвестмент груп влегува во Тетово
Објавено во: Македонија 25 Јануари, 2013
НОРМАК Инвестмент груп е конзорциумот што ќе стопанисува и менаџира со слободната економска зона во Тетово, соопшти денеска министерот за економија Ваљон Сараќини. Тој појасни дека 30 дена од објавувањето на веќе донесената одлука треба да се потпише и договорот за јавно приватно партнерство.
Според понудениот бизнис-план, НОРМАК се обврзува во првите три години да изгради 40 отсто од зоната, а за седум да ги реализира планираните активности во целост. Минималната капитална инвестиција е седум милиони евра, а предвидените дополнителни вложувања треба да достигнат 150 милиони евра.
Надлежните се надеваат дека дека новата инвестиција ќе овозможи не само отворање работни места, туку и влез на нови технологии во земјава.