Со еден „клик“ до извод од деталниот урбанистички план за Центар

Добивај вести на Viber

Деталните урбанистички планови кои се јавни документи, во општина Центар станаа и реално во целост достапни. Со еден клик на веб - страницата на општина Центар, граѓаните можат да имаат увид во секоја градежна парцела и да ги проверат параметрите за изградба. Добро чуваните тајни во минатото од  ДУП-овите, сега се јавно достапни. „Она што го направи општина Центар  со Геоинформацискиот систем (ГИС), во делот на урбанизмот,  е вистински бум.  Ваквата транспарентност за првпат во Македонија ја воведоа во Центар. ГИС го има и во други општини,  но не на вакво високо ниво, какво што го вети во својата изборна програма и го реализираше градоначалникот Андреј Жерновски. Сите детални урбанистички планови се внесени во системот и од базата на податоци со еден клик се вадат изводи од ДУП - овите“, информираат од општината. Се работи на воведување на ГИС и во другите сектори освен урбанизмот. Секторот за градежништво и уредување на градежното земјиште веќе започна со полнење на базата на податоци.