Добивај вести на Viber
Во наоѓалиштата за гас во Средоземно Море во близина на островот Крит има гас во вредност од 427 милијарди евра. Според извештајот на „Дојче банк“ која првпат зборува за такви наоѓалишта во реонот, авторот на студијата Марк Вол појаснува дека ако се потврдат геолошките истражувања, Грција ќе инкасира 214 милијарди долари, што е 107 проценти од сегашниот бруто домашен производ на Грција.
Како што оценува „Дојче банк“ парите од наоѓалиштата на гас Грција ќе може да ги добие околу 2020 година кога нејзиниот долг ќе биде намален на 120 проценти од БДП. За да почне да се добива гас од наоѓалиштата потребни се осум до десет години. Ако се потврди дека во наоѓалиштата на гас има толкаво количество Грција ќе биде 15 земја во светот, производител на природен гас.