Софија ја повика македонската амбасадорка, по пукањето во „Цар Борис Трети“
Објавено во: Македонија 24 Ноември, 2022
Македонската амбасадорка во Софија, Агнеса Руси-Поповска, ќе биде повикана денеска во Министерството за надворешни работи на Бугарија.
На нашиот дипломатски претставник ќе и биде врачен остар демарш по повод нападот на бугарскиот културен клуб „Цар Борис Трети“ во Охрид.
Како што јавува дописникот на МИА од Софија, уште синоќа бугарските дипломати детално го информирале раководството на Европската комисија за тешкиот инцидент во Охрид.
Претходно македонското МНР го осуди инцидентот, а полицијата потврди дека имало две оштетувања на клубот направени од огнено оружје.
Синоќа околу 20 часот пред бугарскиот клуб именуван во чест на фашистичкиот соработник на Хитлер ,,Цар Борис Трети” се случило пукање од огнено оружје при што од пиштол се испукани повеќе проектили.Инцидентот се случува три дена откако од засега непознат сторител беше оштетен дел
од објектот на клубот Цар Борис Трети.